“Алтанбулаг” чөлөөт бүсэд газар эзэмшүүлэх, ашиглуулах
төсөл сонгон шалгаруулалт
Дугаар: Алтанбулаг-ГТ-2018/01
“Алтанбулаг” чөлөөт бүсийн Захирагчийн “Газар эзэмшүүлэх, ашиглуулах төсөл сонгон шалгаруулалт зарлах тухай” 2018 оны А/157 тоот захирамжийг үндэслэн Сэлэнгэ аймгийн Алтанбулаг суманд байршилтай “Алтанбулаг” чөлөөт бүсийн “Худалдаа, үйлчилгээ”, “Үйлдвэрлэл”-ийн тус тус бүсэд зориулалтын дагуу газар эзэмших, ашиглах хүсэлтэй аж ахуйн нэгж, байгууллагын дунд төсөл сонгон шалгаруулалтыг зарлаж байна.
Үүнд:
- “Худалдаа, үйлчилгээ”-ний зориулалттай бүсэд 1 га хүртэл газар;
- “Үйлдвэрлэл”-ийн зориулалттай бүсэд 2 га хүртэл газар;
Төсөл сонгон шалгаруулалтыг Засгийн газрын 2016 оны 10-р тогтоолын хоёрдугаар хавсралт “Газар эзэмшүүлэх, ашиглуулах төсөл сонгон шалгаруулах журам”-ын дагуу явуулна.
Төсөл хэрэгжүүлэх хүсэлтэй аж ахуйн нэгж, байгууллага нь “Газар эзэмшүүлэх, ашиглуулах төсөл сонгон шалгаруулалтад оролцогчдод өгөх зааварчилгаа”-г “Алтанбулаг” чөлөөт бүсийн Захирагчийн ажлын албанаас 12500 төгрөгөөр худалдан авч төслөө бэлтгэнэ.
Төсөл хүлээн авах эцсийн хугацаа:
2018 оны 08-р сарын 22-ны өдрийн 10.00 цаг.
Төслийн нээлт: Улаанбаатар хот, Чингэлтэй дүүрэг, Засгийн газрын 11-р байр, “Алтанбулаг” чөлөөт бүсийн Захирагчийн ажлын алба-1110 тоот өрөөнд, 2018 оны 08-р сарын 22-ны өдрийн 10 цаг 20 минутанд нээнэ.
Төсөл хүлээн авах хаяг: Улаанбаатар хот, Чингэлтэй дүүрэг, Засгийн газрын 11-р байр, “Алтанбулаг” чөлөөт бүсийн Захирагчийн ажлын алба-1110 тоот
Харилцах утас: (976-51)261430, /www.ab.unicon.mn/
