“Алтанбулаг” чөлөөт бүсийн хөрөнгө оруулагч “Бизнес контакт чөлөөт бүс” ХХК-ийн ерөнхий захирал А.А. Сидоров нь Алтанбулаг чөлөөт бүсийн хөгжилд хүвь нэмрээ оруулж байгаа эрхэм нэгэн билээ. “Бизнес контакт” ХХК нь 2002 оноос эхлэн “Ворота в Азию”олон улсын үзэсгэлэн яармаг худалдааг Монгол улсад тогтмол амжилттай явуулан “Алтанбулаг” чөлөөт бүсийн үйл ажиллагааг дэмжиж, Монгол-Оросын худалдаа эдийн засгийн харилцааг өргөжүүлэхэд идэвхи санаачилга гарган ажиллаж ирсэн.
“Монгол-Оросын санаачилга 2018” цуврал арга хэмжээний хүрээнд 2018 оны 6 дугаар сарын 7-10-ны өдрүүдэд “Ворота в Азию” 28 дахь удаагийн олон улсын үзэсгэлэн худалдаа Улаанбаатар хотод болж өнгөрлөө. “Ворота в Азию” арга хэмжээний үзэсгэлэн худалдаанд ОХУ - аас 800 орчим компани оролцсоноос ихэнх нь Сибирийн тойргоос хүрэлцэн ирсэн. Эдгээр компаниудаас “Алтанбулаг” чөлөөт бүсийн эрх зүйн орчин, хөрөнгө оруулалт, татварын хөнгөлөлт чөлөөлөлтийн талаар санал бодлоо солилцож хамтран ажиллахаа илэрхийлсэн.
Эрхүү мужийн “Капиталист” сэтгүүлд /www.kapitalpress.ru/ “Алтанбулаг” чөлөөт бүсийн үйл ажиллагаа, чөлөөт бүсэд бизнес эрхлэх боломж, бараа бүтээгдэхүүний солилцоо, хөрөнгө оруулалтын таатай орчны талаарх мэдээ мэдээлэл нийтлэгдсэн нь ОХУ-ын бизнес эрхлэгчдэд чөлөөт бүсийн тухай ойлголтыг өгч улмаар Ази Европийг холбосон хамгийн дөт зам “Алтанбулаг” чөлөөт бүс юм гэдгийг онцлон дурдагдсан байдаг.
Түүнчлэн Монцамэ агентлагийн “Новости Монголии” /www.montsame.mn/ сонины тусгай дугаарыг захиалан гаргаж Орос, Монголын бизнесийн орчинд “Алтанбулаг” чөлөөт бүсийн оролцоог онцгойлон тэмдэглэн нийтэлжээ.
Монгол, Оросын худапдаа эдийн засгийн хамтын ажиллагааг өргөжүүлэх зорилгоор бүс нутаг. хил орчмын хамтын ажиллагааг эрчимжүүлэх, “Алтанбулаг” чөлөөт бүсийг сурталчилан таниулах үйлсэд чин сэтгэлээсээ талархал илэрхийлж байна.
