2025 оны 1 дүгээр сарын 10-ны өдөр БНХАУ-ын ӨМӨЗО-ны Хөх хотноо тус хотын Гаалийн баталгаат нэгдсэн /чөлөөт/ бүс нь Монгол, Хятадын аж ахуйн нэгжийн хамтарсан уулзалтыг амжилттай зохион байгуулсан ба Монгол, Хятадын 70 гаруй бизнесийн төлөөлөгчид оролцсон байна.
Хуралдаанд Монголын ажил олгогч эздийн холбооны дарга Ц.Нанжидсамбуу, Монгол Улс дахь ӨМӨЗО-ны Худалдааны танхимын дэд дарга Ван Шү Гэн, Хөх хотын гадаад харилцааны дэд дарга Улаантуяа болон Гаалийн нэгдсэн баталгаат бүсийн намын хорооны нарийн бичгийн дарга бөгөөд удирдах зөвлөлийн дарга Дун Янь Чүнь нар оролцов.
Тус хурал нь Монгол, Хятадын худалдаа, соёлын солилцоо, нээлттэй хамтын ажиллагааг таниулах, харилцах талбар байгуулж, хоёр талын худалдаа, хөрөнгө оруулалтын нээлттэй урсгалыг дэмжих, олон улсын зах зээлийн боломжийг өргөжүүлэх зорилготой юм.
Аж үйлдвэрийн гинжин хэлхээ, инновацийн гинжин хэлхээний гүн гүнзгий интеграцчиллыг дэмжиж, хамтдаа бүтээн байгуулж, нээлттэй хөгжлийн шинэ хэв маягийг бий болгож, хамтдаа ашиг хүртэх хамтын ажиллагааны шинэ хэв маягийг бий болгож, гадаад худалдааны эдийн засгийг өндөр чанартай хөгжүүлэх, гадаад худалдааны харилцааг нээх чухал “умард”-ын гүүрэн гарцыг бий болгоно.
Дүн Яньчүнь хэлсэн үгэндээ: “...Сүүлийн жилүүдэд "Бүс ба зам" санаачилга, Хятад-Монгол-Оросын эдийн засгийн коридорын бүтээн байгуулалтад тулгуурлан хоёр орны эдийн засаг, худалдааны хамтын ажиллагаа тасралтгүй гүнзгийрч, худалдаа, хөрөнгө оруулалт зэрэг салбар дахь хамтын ажиллагаа үр дүнтэй үргэлжлэн хөгжиж байна.
Өнөөдөр бид Хятад, Монгол хоёр орны нэр хүндтэй олон аж ахуйн нэгжүүдийг цуглуулж, энэхүү тохирооны уулзалтаар дамжуулан хүн бүрт илүү их хамтын ажиллагааны боломжийг бий болгож, хоёр талын олон салбарын солилцоо, хамтын ажиллагааг улам гүнзгийрүүлнэ гэж найдаж байна” гэж цохон тэмдэглэсэн байна.
Мөн уулзалтад оролцогч компаниудын төлөөлөл өөрсдийн үндсэн нөхцөл байдал, хамтын ажиллагааны хэрэгцээ, шаардлагаа дэлгэрэнгүй танилцууллаа.
Хөх хотын нэгдсэн баталгаат бүс нь хил дамнасан цахим худалдаа, орчин үеийн логистик, импорт, экспортын түүхий эд боловсруулалт, худалдаа, үнэт металл цэвэршүүлэх, боловсруулах чиглэлээр иж бүрэн сурталчилгааны гинжин хэлхээний менежментийг хэрэгжүүлдэг.
БНХАУ-ын үндэсний аж үйлдвэрийн бодлого, Өвөр Монголын өндөр стандартын хөгжлийн шаардлагад нийцсэн эдийн засгийн хамтын ажиллагааны хэд хэдэн гол төслийг цогцоор нь эхлүүлсэн ба уулзалтанд оролцогч талуудын аж ахуйн нэгжүүд хамтын ажиллагааны хүрээний 5 гэрээнд гарын үсэг зурлаа.
Түүнчлэн Монгол Улсын “АПУ” ХК нь Хөх хотын Гаалийн баталгаат нэгдсэн бүстэй хамтын ажиллагааны гэрээг үзэглэсэн байна.
