БНХАУ-ЫН ХӨХ ХОТЫН ЧӨЛӨӨТ БҮСИЙН ТӨЛӨӨЛӨГЧИД
АЖЛЫН АЙЛЧЛАЛ ХИЙВ.
Монгол улс, БНХАУ-ын стратегийн иж бүрэн түншлэлийн хүрээнд хоёр улсын Худалдаа, эдийн засгийн хамтын ажиллагааг өргөжүүлэх, хөрөнгө оруулалтын хэмжээг нэмэгдүүлэхэд түлхэц болох үүднээс БНХАУ-ын ӨМӨЗО-ны Хөх хотын чөлөөт бүс /гаалийн баталгаат ерөнхий бүс/, хөрөнгө оруулагч, бизнесмэнүүдтэй хамтран ажиллаж байна.
БНХАУ-ын ӨМӨЗО-ны Хөх хотын чөлөөт бүс, татварын баталгаат ерөнхий бүсийн аж ахуйн нэгжүүдийн удирдлага, төлөөллүүд ажлын айлчлал хийлээ. Хөх хотын Татварын баталгаат бүсийн гадаад худалдааны хил дамнасан цахим худалдааны бизнес эрхлэгчдийг дэмжих паркын ерөнхий захирал, дэд захирал, Жи Линь мужийн “Chang Jiu” группын Хөх хот дахь салбарын захирал, мөн авто машины үйлдвэрийн үйлдвэр хариуцсан дэд захирал зэрэг бүрэлдэхүүнтэйгээр хүрэлцэн ирсэн.
Дээрх төлөөлөгчид тус чөлөөт бүсийн үйл ажиллагаа болон хөрөнгө оруулалтын нөхцөл, боломжтой танилцаж судлав. Түүнчлэн “Алтанбулаг” чөлөөт бүс рүү ачаа, бараа тээвэрлэх боломж, нөхцлийн талаар судалгаа хийж, тээвэр логистикийн чиглэлээр УБТЗ-ын Олон Улсын Тээвэр зуучийн төв, Тээвэр зуучийн “Азийн зам” ХХК, “Нано интернэйшнл” зэрэг байгууллага, аж ахуйн нэгжүүдийн удирдлагатай уулзалтуудыг хийж, санал бодлоо солилцлоо.
“АЛТАНБУЛАГ” ЧӨЛӨӨТ БҮСИЙН ЗАХИРАГЧИЙН
АЖЛЫН АЛБА
